تقريبا نسيت يعنى ايه مصر الجديدة... كان بقالى فترة بعيد... وبقالى فترة ماتفرجتش على الزحمة والنيون الكتير من كرسى العربية اللى جمب السواق... والمطبات والمقبات... والبوليس اللى فى حتت غريبة... وتقريبا نسيت ازاى سكان مصر الجديدة اللى بيسوقوا بيتحمسوا جدا فى استعراض التخريمات الجديدة من الزحمة... وازاى على عكس مناطق اخرى، الشحاتين بيسرحوا بفل وكيوى... وازاى ان العربية اللى جمبى غالبا فيها ام صاحبتى فلو سمحت بلاش نكسر عليها...
المهم النهاردة كنت فى مصر الجديدة، فى عربية، وطلع اقتراح قديم أوى وعليه تراب ومسمعتوش بقالى كتير...
"بوريو؟"
"بووووورررررييييييوووووووو طبعا..."
"يلللللللاااااا بيييييننننننا..."
وبعد ساعة الا ربع مثلا من الزحمة والتخريمات وسباجيتى العربيات... وصلنا لمحل من المحلات المشهورة بتوع العصيروالبوريو والشبح والباتمان والى اخره... وللأسف الراجل احبطنا تماما... لأن مفيش بوريو من امبارح...
"طب ايه يا شباب.. نروح حتة تانية؟"
"لأ فكك.. انا هاخد مانجا.."
"وأنا هأخد فيل.."
وكله طلب... ومصدقتش عينايا لما الراجل رجع تانى... كل الطلبات نازلة فى كوبايات بلاستيك مقفولة من فوق ومحطوط في كل واحدة شفاطة... وأنا اللى هو بصيت بصة اللى هو... "أنت بتشتغلنى؟!!!"
يعنى أنا المطلوب منى أنى اشرب عصير مانجا من شفاطة؟ طب وبالنسبة للفيل؟ أنا اصلا مبطيقش اختراع الشفاطة ده... وبأتهرب منه فى جميع الأماكن... ومبأطيقش الكوكاكولا الفونتاين... ولما باشرب اى حاجة لازم اشربها بلغوصة ولازم ارفع رقبتى على قد انا عطشانة قد ايه... والكلام ده ماشى على العصائر والصودا... ووحياتكوا البينا كولادا...
لكن حرام لما الموضوع يوصل انه محل عصير فى الشارع فى مصر الجديدة ينزللى مانجا فى كوباية بلاستيك... وبشفاطة... طب ولو كنت طلبت قصب؟ كنا هنقضيها بلاستيك برضه؟ وكنت هتجيبلى اتنين شاليمون بدل من واحدة عشان تضحك عليا بتضاعف الكمية اللى انا باسحبها... ماهو قصب يعنى...
ارحمونى بقى !
7 comments:
fokik mel feel, wel torab we hanooma ;)
Mashy ya 3am el ammuuurrrr !! :P
Remember Liny - Aqua - when she said : " LIfe is plastic , its fantastic " ... lool
wtf
البت دى من اكتر الحاجات المستفزة اللى عدت على طفولتى... وانا لاحظت ان البلاستيك شئ مهم فى الاغانى والمقولات المشهورة... بات نوت فور ماى درينك بابى
:)
plastic is in everywhere ,
starting from Paris hilton ending by the nodels backing
i told ya : double you tee if -
I seriously hate straws my self, aslan to drink this kind of juice full of pulp and what have you, you really can't use a thin straw.
once upon a time near the auc (where bon appetit is now) there was this place called Seattle coffee house, they served the best coffee concoctions ever, and they had these HUGE straws, and by huge i mean 5 cm in diameter. anyway it got replaced by bonappetit, anyway love your blog
I heard about Seattle a lot but I guess it closed the year I went into AUC myself lol.
Post a Comment