عمرى ما حبيت شخصية فى حياتى قد شخصية المقامر فى رواية دستيوفسكى. يمكن يكون هو أكتر حد حسيت بيه وعمرى ما قابلته. عشان أنا بالعب وعارفة انى خسرانة... عشان أنا نفسى بتاكلنى لو مجربتش... عشان أنا ساذجة وعلطول فاكرة أن المرة اللى جاية هتحلى... عشان أنا فارق معايا أنى ألعب ، مش أكسب... عشان أنا الخسارة عندى مش شئ شخصى... عشان أنا راهنت عليك وعارفة أنى خسرانة... عشان أنا معنديش حاجة أخسرها...
الكوتشينة فيها 52 كارت ، واحد منهم بس جاك أوف سبادس... وبيجى معاها اتنين جوكر يبدلوه... يعنى الجاك مش مهم... ولو عايز رأيى الجواكر مش مهمة... وال51 كارت اللى فاضلين مش مهمين... مش مهم ايدك عاملة ازاى... مش المهم اللى بيلعب معاك أو ضدك مين... أنا مؤمنة أن أهم حاجة ، أنت ازاى بتحط الكارت على الطرابيزة... فى كروت بتترمى باستهتار... فى كروت بتتحط مقلوبة على الطرابيزة عشان أنت متأكد أنك هتلعبها مهما اللى قبليك لعب ايه... فى كروت بتحطها براحة كأنك خايف عليها ، أو يمكن عشان تسمع صوت بلاستيكها عالطرابيزة... وفى كروت تحيرك... وفى كروت تحيرهم... بس أهم حاجة ، أنت بتحطها ازاى وباصص فين وأنت بتوريها للى قدامك... باصص للكارت؟ باصص للى قدامك؟ باصص لنفسك؟ وطبعا ، مش مهم ورقة الحسابات ، عشان قبل ما بتعرف مين خسر ومين كسب ، المهم أنك تفتح بولة جديدة... وطبعا تطلب كأس تانى.
وعشان كدة أنا راهنت عليك... وخسرت... بس ده مش معناه أنى مش هيبقى عندى طرابيزة روليت فى بيتى ، أو أنى هأبطل كروت...
:)
5 comments:
i've been checking ur blog today
ur writings give a really so strange prospective of life
it feels like life is a waste but pleasurable in the same time
i wish to know more about u
i've also just noticed from ur profile that we have lots of similarties
if u like, please add me on msn
fady911x at hotmail.com
i've taken a risk by posting my mail online, please don't make me feel that i've wasted it
وردة
رائعـــة
شـــعور المقامــرة لا يــمكن وصفــه .. خصــوصاً حين يكــون الفشل شيئاً غير شخصي بالمــرّة
أنت موهوبة
حفظتك الــصـُدفة من كلّ مكروه ..
Im not a man of too many faces..... the mask i wear is one....
or so i like to think... but...
my spades are blunt, its hard to fight, my clubs have been worn out from beating on stone, my diamonds are fakes, just glass that barely shimmers in the sun...
how does that leave me feeling? barely a man at all, regardless of the faces.
but hey, who said that weapons make a man??
"mama said think before speaking" but my thoughts amuse me too much to keep them only for myself, they remain thoughts, ones which i am immune to... and hope u r too
عارفة امته بجد نكون واعيين للحياة دي ونقدر نلعب فيها من غير خوف
لما نكون معندناش اللي نخسروا
طول عمري نفسي اعيش باحساس المقامر
اغامر من غير ما اخاف علي اسم او تاريخ
اغامر من غير ما اخاف علي وضع اجتماعي او ثقافي
اعيش اللحظة من غير ما فيه اي خيوط تشدني للأرض
بس للأسف
طول الوقت فيه سلاسل بتشدني للأرض
علشان كده مش بحس إني حره
وإني أقدر أطير
زي ريشة فورست جامب في الفيلم
لما فضلت تطير من حتة لحتة
من شجرة لسلة زبالة مش مهم
المهم إنها تطير وتطير وتطير لغاية ما كل كلمات تطير تخلص من القاموس
تعرفي
عجبتني فكرة الطيران دي وهعملها بوست في مدونتي
جميل إنك تجدي من يفتح شهيتك علي الطيران
او حتى الكلام
Post a Comment