نسيت شكلك. بأحاول افتكر ملامح وشك وبتيجى وتروح بسرعة قدام عينايا... كأنوار رعاشة على صالة رقص... كل اللى فاكراه منك هو جسمك الضئيل... الضعيف... الممل...
طول عمرى فاكرة أنى بأتشد للناس اللى عارفة هى عايزة ايه... بس لما بأفكر دلوقتى فى أخر اتنين أو تلاتة شدونى على مدار السنة اللى فاتت... كلهم مش عارفين حاجة... وقرروا أنهم ميقرروش... وجسمك الضئيل، الرفيع، الممل كان بيكملى البورترايت ده... بتاع الشاب اللى مش عارف... مش بس مش عارف هو عايز ايه ولكن مش عارف أى حاجة... ضد جميع معايير الصحة التافهة... ضعيف... غير قادر على أى شئ...
من اللحظات المهمة فى السينما وغير السينما... لما يضرب قائد حرب الأرض بركبتيه فى استسلام ضوضائى... درعه على شماله ملقى فى منتهى الهزل، وسيفه على يمينه... وذراعيه مفرودتين أمامه... ليس كمسطرة فارعة قوية ولكن كجزع شجرة هفأ على وشك الانكسار... وعلى وجهه نظرة... "ها؟ ايه تانى؟"... بالنسبة لى ده من أكتر الأشياء المثيرة حاليا... وده اللى شدنى فيك... أنك ضعيف... هفأ... زيى بالظبط.
كل ده دلوقتى مش موجود... اللى موجود بس شوية أنوار رعاشة رقصا على مزيكا اليكترونى... فخورة أنا بالمرحلة دى... وفخورة بأسلوب الكولد تيركى اللى اتبعته عشان أوصلها... الهفأ عمره قصير... يقدم مواساة تافهة يجب أن لا تستمر أكتر من شهر أو شهرين والا تحولت المواساة الا مآساة... وبعديه مفروض يختفى تماما... مش مفروض يظهر فى أى لقاءات اجتماعية خفيفة... مش مفروض يتشاف له صور ولا يتسمع له مكالمات تليفون... مش المفروض يتشاف اسمه على تليفون... بالظبط زى البار مان اللى بتعيطله وانت سكران... بعد لما تفوق مش عايز تعترف بيه أو بأى ارتباط كان يوصلكم...
جسمك الضئيل.. الضعيف.. الممل.. لا يثيرنى حاليا...
3 comments:
مش كل الناس تقدر تبرز ضعفها. الكارثة لو دي قوة، تضعف صفة الضعف اللي بتثيرك.
محاولة ابراز الضعف فيها قوة.. الضعف اللى بأتكلم عليه مش فيه أى نوع من محاولات ابراز.. استسلام تام
Cold Turkey?!..are you serious? you dedicated time and effort to write 4 paragraphs of sentences adressed to this guy and you think you cold turky-d him!!
hah!
What was your opening sentence??..umm
"بأحاول افتكر ملامح وشك "
bet7awly!!..w bet7awly leh ba2a tayb?!!
Forget the whole cold-turkey thing.
Some wounds take a long time to heal, but eventually they are healed and if you are lucky-smart and kind-hearted they leave no scars.
Your last paragraphs said something brilliant about timing (you typed 2ila wrong 3ala fekra)
When things are over with someone it's just like that, it's over.
Raised emotions or thoughts towards and about this person should be no more than those that are raised towards and about an x-close friend..You don`t (i assume since you are hafa2 w da3ifa ennek tayyeba) hold grudges against x-friends..They were once friends and now they are'nt, for a number of reasons that your mind probably gets rid of to save space.
Once you were friends now you are not,and that's the case.
You and this, gUy, are'nt together now for reasons much more uglier in him than gesmo el mommel el we7esh el mesalwa3..Remember this fact without its details, without grudges and certainly without that amount of emotion that would make you write something about him.
And if you ever remember him, Wish him a better body.
Post a Comment