دراسات فى الثمانينات

لازم كل الناس يبقى شعرها طويل. الفرقة كلها والمزة أو المزز

- لازم المزة تلبس فستانين، واحد أسود وواحد أبيض ، هتقوللى ما المزة اللى عند أوزى أوزبرون لابسة أحمر ، هأقولك نفض لنقسك ، عشان الفساتين البيضاء واللينجرى الأسود كان مش موجود فى السوق اليومين دول



- لازم الموضوع يقلب دراما. البت تهرى نفسها عياط ، أو تلم هدومهما وتسيبله البيت وتمشى أو حد يموت

- الباسيست والدرامر وأحيانا الجيتاريست بيكونوا من مستوى أعلى من باقى البشر ، عمرهم ما يبصوا للكاميرا وعلطول بيعطوا تعبيرات مش مفهومة بعضلات وشهم ، وطبعا عمرهم ما واخدين بالهم أنهم بيتصوروا أساسا




- على طول شعر البت لازم يطير زى اعلانات صانسيلك وبانتين وأحيانا موبينيل

- لازم كادر الكاميرا يطلعلك حاجة سيريالية مش مفهومة ، حوض سيراميك بيتحرق أو قماش أحمر بيطير. وهذا اللونجيير لحد النهاردة مش مفهوم بيبقى تحكم من المخرج ولا المونتيير ولا المزة




- اجتمع معلمى الروك على آواخر السبعينات وراح قاللك يا جماعة مينفعش كدة ، جيمى بايج بتاع اللى اسمهم ليد زيببلين دول والتانى جيم مورريسون حطوا سمعتنا فى الحضيض من البناطيل المحزقة بتاعتهم دى ، احنا هنقضيها جينز وشعر طويل وبس. بس المنحرفين زودوا الماكياج والاكسسوارات من غير لما الكبير ياخد باله.


Whitesnake – Is this love?

Alice Cooper – Poison

Ozzy Osbourne – No More Tears