بمناسبة كومبو الأعياد
وأنه كلنا هنروح عند ستو
نأكل لحمة أو نفرقع بيرة
كل سنة وانتوا طيبين
واهداء خاص
بجد نفسى العب
من زمان ملعبتش
بلى كشرى وبلى عادة
وجعليظة بلى سادة
كل دى أنواع
(البلى البلى البلى)
عايزة تطلع عايزة مهارة
فيها نيشان وانا الصنارة
وهى دى حلاوة
(البلى البلى البلى)
من يوم ولادتى من طفولتى
وانا بالعب عند ستى
كنت بأغلب كل الحارة
كنت شاطر فيها بتارة
مفيش عيل فى زمانى كسبنى
(البلى البلى البلى)
محدش كان يقدر يهزمنى
(البلى البلى البلى)
بجد يا ناس البلى وحشنى
(البلى البلى البلى)
بجد نفسى العب
من زمان ملعبتش
لعبت طسة وترنجيلة
مثلثات وترنجانة
وهى دى أنواع
(البلى البلى البلى)
تركيزها بيبقى مية مية
عايزة سرعة من اللى هى
وهى دى خطورة
(البلى البلى البلى)
مليانة لحدى محدش قدى
غلبت عبد القادر وجدى
كسبت جوايز أخدت ميدالية
وكأس كبير على شكل بلية
مفيش لعيب فى الدنيا يغلبنى
(البلى البلى البلى)
مفيش واحد قدر يهزمنى
(البلى البلى البلى)
بجد يا ناس البلى وحشنى
(البلى البلى البلى)
No comments:
Post a Comment